Nanatanteraka fihaonana teny Iavoloha, omaly, ny filohan’ny Fanavaozana, ny Kly Randrianirina Michaël, sy ny filoha teo aloha isany, Ravalomanana Marc sy Rajaonarimampianina Hery. Maromaro ny lohahevitra nodinihina.
Manoloana ny fivoaran’ny raharaham-pirenena, niara-nidinika tamin’ny Kly Randrianirina Michaël teny Iavoloha ny filoham-pirenena teo aloha, Ravalomanana Marc sy Rajaonarimampianina Hery. Tsy nisy vaovao nivoaka mahakasika ny vontoatin-dresaka sy ny faharetan’izany, raha ny fanambarana avy ao anivon’ny fiadidiana ny Fanavaozana. Ny hany misongadina amin’ny fifampizarana dia fifampidinihana entina nifanankalozan-kevitra amin’ny fandalovan’ny firenena kihon-dalana, mialoha ny hanatanterahana ny fikaonandoham-pirenena. «Ity fihaonana tamin’ireo filoham-pirenena teo aloha ity no nofidian’ny filoham-panjakana, ny Kly Randrianirina Michaël hifampiresahana sy hifanakalozana hevitra momba ny fizotry ny raharaham-pirenena noho ny tsy fisian’ny rafitra: Filankevitry ny Lalàmpanorenana – Conseil constitutionnel, eto amin’ny firenena», hoy ny fanambarana eo anivon’ny fiadidiana ny Fanavaozana ny Repoblika. Efa fanao any amin’ny firenen-kafa ny fananana ireo rafitra ireo.
Navoitran’ny fanambarana fa lafin-javatra maro no nifantohan’ny adihevitra teo amin’ny telo tonta. Anisan’izany ny fandrindrana amin’ny vahaolana mifandraika amin’izany ho an’ny tombontsoa ambonin’ny firenena sy ny vahoaka malagasy.
Tsiahivina fa tamim-pirahalahiana tanteraka no nizoran’ny fifampiresahana sy ny fifanakalozan-kevitra. «Nifantoka hatrany amin’ny tombontsoa ambonin’ny firenena», hoy hatrany ny fanambarana.
Synèse R.
French