Lany tsy nasiam-panovana sy tsy nasiam-panitsiana teny anivon’ny Antenimierampirenena sy ny Antenimierandoholona ny volavolan-dalàna mifehy ny tetibola (PLFI) ho an’ny taona 2025. Mifanojo indrindra amin’ny vinam-pirenena sy fanarenana ireo fotodrafitrasa samihafa mandrafitra ireo fandaharanasa ao anatiny. « Hita taratra ao anatin’ny PLFI ny hanaovana laharam-pahamehana ny olan’ny Jirama », hoy ny solombavambahoaka voafidy tany amin’ny distrikan’i Fandriana, Andriamiharivolamena Zavamanitra. Voasoritra mazava tsara, hoy izy, ireo tetikasa fohy ezaka sy lavitra ezaka tanterahina eto amin’ny firenena. Notohizany fa tafiditra ao anatin’ny PLFI 2025 ny fanamboarana ny lalana ao Fandriana. Manana tahirin-karena ny distrikan’i Fandrina. Hita ao Ankona, kaominina Ankarinoro, ny « chute d’eau » anisan’ny mahasarika mpizahatany izay tantanin’ny Madagascar National Parks. Marihina fa
anisan’ny mamelona ny toekarena sy mampidi-bola ho an’ny firenena ny sehatry ny fizahantany. Tsiahivina fa mitentina hatrany amin’ny 535 tapitrisa euros ny vola niditra tamin’ity sehatra ity ny taona 2023.
Henintsoa H.
French