Mitohy sy nohamafisina ny fiaraha-miasan’ny orinasa Airtel money sy ny sqekoly ambony mahakasika ny fitantanana sy ny fikarohana teknolojia, Emit Fianarantsoa. Anisan’ ny voarakitra ao anatin’ny fifanarahana ny fahafahan’ny mpianatra mampiasa ny vola niomerika, toy ny fandoavana ny saram-pianarana amin’ny Airtel money. Tsotra, haingana sady azo antoka. Tafiditra ao anatin’ny fampiroboroboana ny fikirakirana vola niomerika izany, sy hanamora ny fampiasana ny teknolojian’ny fifandraisan-davitra amin’ny fanabeazana. Manala ny sakana ara-bola sady mampirisika ny tanjona Fanabeazana ho an’ny rehetra.
Nilaza ny tale jeneralin’ny Airtel money Madagasikara, Randrianarison Heritiana, fa “hampirisihina ny tanora hisitraka ny tolotra fandoavam-bola amin’ny finday, satria tombontsoa lehibe ho an’ny mpianatra ny fanohananay ny fikirakirana ara-bola niomerika, izay maoderina sy mahomby”.
Hampivoatra ny mpianatra tsirairay, sady ilaina amin’ny hoavin’ny toekarena hatanjaka sy andraisan’ny rehetra anjara izany. Hanokatra lalam-baovao ho an’ny fandraharahana, ny fitahirizam-bola ary ny fampiasam-bola, ka hanamafy ny fahaleovantena ara-bola ihany koa.
Njaka A.
French