Hiova klioba ao amin’ny Racing 92 Frantsa, i Siya Kolisi, mpilalaon’i Afrika Atsimo. Fifindrana izay hotanterahina aorian’ny fiadiana ny ho tompondaka eran-tany, taranja rugby na “Mondial 2023”, izay hatao any Frantsa, ny 8 septambra hatramin’ny 28 oktobra ho avy izao.
31 taona i Siya Kolisy, haharitra telo taona ny fifanarahana eo aminy sy ity klioba frantsay ity, izany hoe, hatramin’ny taona 2026. Raha tsiahivina, tao amin’ny Sharks, klioba afrikanina tatsimo izy no nilalao taloha. Ary ity kapitenin’i Springboks Afrika Atsimo ity no tompondaka farany tamin’ny Mondial 2019, rehefa nandresy ny Anglisy tamin’ny isa 32 no ho 12. “Faly tokoa ny tenako. Tsy andriko intsony ny fotoana hifindrako ao amin’ny Racing 92. Vonona tanteraka aho hampiseho ny fahaizako. Fa mialohan’izany, mila mifantoka tanteraka amin’ny Mondial 2023 ny tenako», hoy i Kolisi.
Marihina fa eo amin’ny laharana faha-4 no misy ny Racing 92 amin’ny fiadiana ny ho tompondakan’i Frantsa na «Top 14».
Fitia (Mpianatra asa)
French