Lehilahy iray lasan’ny mpaka an-keriny tao Belavabary, kaominina Begisa, distrikan’i Brieville, ny
alatsinainy 13 janoary teo. Novakin’ireo dahalo ny varavarana ka niditra an-keriny tao amin’ilay tokantrano izy ireo. Nentiny nanaraka azy io lehilahy iray io. Nanara-dia ny zandary sy ny fokonolona. Andrasana ny tohin’ny raharaha.
Miaramila matin’ny fitsaram-bahoaka tao Ranotsara Avaratra, afakomaly. Naha voatifitra tsy nahy olon-tsotra izy. Nirohotra namaly faty ny fokonolona. Nokapakapain’izy ireo tamin’ny famaky ilay miaramila ka namoy ny ainy.
Fiara iray nivadika anaty tanimboly teny amin’ ny lalan’i Tsarasaotra mihazo an’Ivato, omaly. Nandeha mafy ka tsy voafehin’ny mpamily ny familiana. Tsy nisy aina nafoy. Potika tanteraka ny lohan’ny fiara.
French