Kamiao nitondra entana nivadika tao Ankidona, distrikan’i Betioky Atsimo, omaly. Tsy nisy aina nafoy saingy nentin’ny rano avokoa ny entana rehetra tao amin’ilay kamiao.
Fatin-dehilahy nisy namono hitan’ny fokonolona tao Ambodimanga Benavony, kaominina Ampasimbe, distrikan’i Brickaville, ny 20 janoary teo. Nahitana ratra ny vatan’io namoy ny ainy io. Voafira antsy ny tendany sy ny faritry ny tanany.
Razana 20 lasan’ny ny olon-dratsy nandritra ny vaky fasana tao Ampanotokana, distrikan’Ambohidratrimo, ny faran’ny herinandro teo. Ankoatra io, dimy hafa nentin’ireo tsy valahara tao Mahitsy. Nokorontanin’ireo olon-dratsy avokoa ny tao anatin’ny fasana.
Mpangala-damba an-tsena tra-tehaky ny fokonolona ka voatery nanala ny lamba nangalariny izay efa teny an-kodiny, tao Ambositra, omaly. Mody nijery lamba, nalain’io lehilahy io izay nifandrify tamin’ny tananany ka nentiny nody. Tadidin’ny mpivarotra ny entana rehefa nanaovan’ilay mpangalatra. Noraisim-potsiny ity farany.
French