Tsy tontosa ny teti-dratsin’ilay tovolahy saika hangalatra fiara iray tetsy Ankadimbahoaka. Ny alarobia tokony ho tamin’ny 09 ora alina teo, nandray fiarakaretsaka teny By-pass haterina eny Namontana ilay jiolahy. Teny an-dalana, nilaza ho eny amin’ny Fasan’ny karana izy. Rehefa izay, nilaza ho aterina eny Anosizato indray noho izy tsy nisy vola. Araka izany, mailo ny mpamily ka nijanona teo amin’ny tobin-dasantsy iray eo Ankadimbahoaka. Nandritra izay, nampandre ny mpitandro filaminana teo amin’ny manodidina izy. Tonga teny an-toerana ny polisy nijery ity olon-dratsy. Nahitana antsy ny tenany nandritra ny fisavana natao, tsy nisy vola tokoa. Tamin’ny famotorana, niaiky izy fa nikasa hangalatra ilay fiara karetsaka ka noentina teny amin’ny biraon’ny polisy natao famotorana.
Henintsoa H.
French