Maro ny ambana sy ny sedra mahazo ny zandarimaria amin’izao fotoana izao. « Tsy mitahiry jiolahy ny zandarimariam-pirenena ary tsy mitsahatra manasazy ireo tratra mihoa-pefy», hoy ny jeneraly Andry Rakotondrazaka, minisitra delege misahana ny Zandarimariam-pirenena, nandritra ny fanamarihana ny Andron’ny zandarimariam-pirenena omaly. « Safidy ny hatao ho an’ireo misafidy ny hiditra eo anivon’ny zandarimaria, dia ny hanompo ny vahoaka, hiaro ny tanindrazana sy hitandro ny vahoaka sy ny fananany », hoy hatrany izy.
Lehilahy 2 tratra nivarotra zava-mahadomelina tany Maroantsetra. Tratra nitondra gony mampiahiahy izy ireo ary nosakanan’ny polisy mpanao fisafoana tao amin’ ny fokontany Amboditsoha, kaominina Maroantsetra. Kaodikaody izy ireo vao nahita ny mpitandro filaminana ka nandositra avy hatrany no sady nanipy ilay gony teny aminy tao anaty kirihatr’ala. Raikitra ny fifanenjehana ka tratra tamin’izany izy ireo.
French