« Feo roa tafaray », etsy amin’ny CCEsca Antanimena. Rahampitso alahady ity fotoan-dehibe iarahana amin’i Henri Ratsimbazafy sy i Salomon ity. Seho tsy manam-paharoa, tsy mbola nisy ary tsy hisy fanindroany, manomboka amin’ny 3 ora tolakandro. Samy hizara ny kantony ireto raiben’ny kalon’ny omaly ireto. Hisy koa ny ampaham-potoana iarahan’izy ireo, mandritra izany.
“Urban Vibes”. Anio ilay fotoana. Tanora mpanakanto 10 no hifandimby an-tsehatra etsy amin’ny Lapan’ny fanatanjahantena, anio. Anisan’ireny ry Ceasar, Rim-Ka, Moopcan, L-Jo, parish sns, mandritra ny seho “Urban Vibes”, manomboka amin’ny 12 ora atoandro. Hisahana ny fikosehana kapila mandritra izany ny Dj Gouty, sady mpikarakara.
“Efa ela loatra”, eny amin’ny Lapan’ny fanatanjahantena Mahamasina. Rahampitso ihany koa ity fotoana hanamarihina ny faha-45 taona niakaran’ny Olombelo Ricky ny sehatra ity. Hanomboka amin’ny 3 ora tolakandro izany ary mety haharitra ora efatra eo ho eo. Hitetezany an-kira ireo vanim-potoana maro tao anatin’izay 45 taona izay.
Mozika klasika, eny amin’ny Cités des Cultures Antaninarenina. Anio manomboka amin’ny 1 ora tolakandro ity fotoana, iarahana amin’ireo mpiangaly ny mozika klasika avy ao amin’ny Laka Ensemble, ity. Hilalaovan’izy ireo ny mozika klasika malaza maneran-tany izany, ary maimaimpoana.
French