Naiditra am-ponja vonjimaika ny tovolahy mpanampy tao an-trano nanolana ny zanaky ny mampiasa azy tao Ankazomiriotra, distrikan’i Betafo, afakomaly. Naharay fitarainana tamin’ny ray aman-drenin’ilay zaza ny eo anivon’ny zandary ka nidina ifotony nijery ny zava-nisy ny alakamisy alina. Niharan’ny fanolanana ny zazavavy 10 taona, izay nohamarinin’ny mpitsabo taorian’ny fizahana izany. Niroso tamin’ny fanadihadiana izay nahavanon-doza ny mpitandro filaminana. Voasaringotra ny tovolahy mpanampy tao an-trano. Hararaotin’ity farany hanaovana ny filan-dratsiny io zaza io rehefa tsy ao ny ray aman-dreniny.
Natolotra ny fampanoavana avy hatrany izy taorian’ny famotorana ka izao nidoboka am-ponja vonjimaika izao.
Tsiferana R.
French