Nampitaraina ireo mpivarotra ao Anosibe ny fisiana jiolahy mpangala-bola tato ho ato. Tapitra very ireo vola matin’izy ireo apetraka ao anatin’ny tsena rehefa alina ka antony nanaovan’ireo mpivarotra velam-pandrika. Raikitra ny fanaraha-maso. Noraisim-potsiny, ny lehilahy iray nitondra fîtaovana hanampitsohany tsena. Niditra avy amin’ny tafo, efa fanaon’ity mpangalatra ity ny mitety ireo tsena sasan-tsasany ao Anosibe ireo. Notanana avy hatrany ity farany ary nentin’ireo mpivarotra nihazo ny mpitandro filaminana. Tsiahivina fa ankoatra ny fahavakisana tsena, misy amin’ireo jiolahy eny amin’ny faritr’Anosibe koa ny manendaka ireo mpaka entana maraina.
Tsiferana R.
French