Namono olona indray ny orambe tao Sahave, kaominina ambanivohitra Vohiposa, distrikan’ Ambohimahasoa, ny alatsinainy 16 janoary teo. Noentin’ny rano, tsy hita nanomboka ny alakamisy 12 janoary ny ramatoa iray tsy salama saina. Avy tamin’ny tanàna atao hoe Ingotra Avaratra, fokontany Anaradakana saika hamonjy ny havany ity renim-pianakaviana ity. Tao anatin’ny orana anefa, tsy hita intsony izy ka nifampitadiavan’ireo olona akaiky azy. Efatra andro taty aoriana, nampandre ny zandary ny fianakaviany fa hita natsikafin’ny renirano ilay ramatoa. Nataon’ny mpitsabo ny fizahana. Voamarina fa maty an-drano ary tsy nahitana ratra ny vatan’io namoy ny ainy io. Efa simba tanteraka ny razana ka niroso tamin’ny fandevenana azy avy hatrany ireo havany.
Tsiferana R.
French