Ahiana hitera-doza raha mitohitohy, vy be mirefy efatra metatra mihazona ny tetezana ao amin’ny 2 km tsy hiditra ao Vohiposa no lasan’ny mpangalatra, ny 18 janoary teo. Sendra nanao fisafoana, tsikaritry ny mpitandro filaminana miasa ao an-toerana fa tapitra noesorin’ny olon-tsy fantatra avokoa ireo vy ireo. Atao hoe “Kadiomby”, miisa efatra ireto vy nisy nangalatra ireto. Niroso tamin’ny fampandrenesana ireo miaramila namany ny mpitandro filaminana. Miendrika U avokoa ireto vy lasibatra ireto. Ankoatr’ity ao Vohiposa ity, efa fanaon’ireo olon-dratsy ny manimba ny fananana iombonana toy ny tetezana sasany anatin’ny lalam-pirenena.
Tsiferana R.
French