Nifampitadiavan’ny fianakaviany, vehivavy 20 taona natsinkafon’ny renirano Sahambano, anatin’ny fokontany Andranovorimboay, kaominina ambanivohitra Ambaninaniroa, distrikan’Ambalavao, ny 18 janoary teo. Taizan’aretina, nivoaka ny trano ka tsy hita ity vehivavy ity. Nanao fikarohana, araka izany, ny manodidina. Ny Alarobia teo, olona sendra nandalo no nahita fatin-javatra natsikafin’ny renirano. Taitra, nampandre ireo mponina tao an-tanàna izy. Niantso ny manam-pahefana ny lehiben’ny fokontany. Nanao ny fizahana ny razana ny mpitsabo niaraka tamin’ny zandary taorian’io. Tsy nahitana ratra ny vatan’ilay namoy ny ainy. Nanamafy koa ny fianakaviany fa taizan’aretina io zanak’izy ireo io, antony mety niteraka ny famoizany aina.
Tsiferana R.
French