Saika hividianana fiara, lasa lavenona ny vola nitentina 22 tapitrisa niampy enina tapitrisa tao amina trano iray tao Ambatolahikosoa – Fianarantsoa, ny alatsinainy teo tamin’ny 01 ora maraina. Tsy nisy noraisina, may kilan’ny afo ny trano lehibe iray ny fiandohan’ny herinandro teo. Tsy fantatra mazava ny niandohan’ny afo. Nirehitra ny tao ambany rihana hatrany amin’ny farany ambony. Hotohoton’ny afo ny vola nitentina 22 tapitrisa Ar tao amin’ny rihana voalohany. Potika koa, ny fitaovam-pianaran’ny zaza. Tsy vitan’io, lasa lavenona niaraka tamin’ireo entan’ny tao ambony rihana ny vola 6 tapitrisa Ar. Tamin’ny fotoana nahamay ny trano, nisy tovolahikely 15 taona nivezivezy tao amin’io toerana nitrangan’ny loza io. Notanan’ny manam-pahefana natao fanadihadiana, araka izany, io lehilahy io. Andrasana ny tohin’ny fanadihadiana. Nifarimbona namono ny afo ny mpamonjy voina tao an-toerana.
Tsiferana R.
French