Manohy ny fiaraha-miasa akaiky amin’ireo minisitera sy andrim-panjakana isan-karazany ny minisiteran’ny Fampianarana teknika sy ny fanofanana arakasa, ho fanamafisana ny firaisan-kina sy ny fanatsarana ny soa iombonana. Anisan’ny taratry ny fiaraha-miasa mahomby ny tetikasa niarahana tamin’ny minisiteran’ny Fitsarana amin’ny alalan’ny fitaleavam-paritra misahana ny Fonja ao Toamasina izay nahafahana nanatanteraka fiofanana fohy sy azo ampiharina ho an’ireo vehivavy ao anatin’ny fikambanana Association des Femmes de l’Administration Pénitentiaire (APAF). Hanomezana fitaovana sy fahaiza-manao vaovao ho azy ireo amin’ny fanatsarana ny fiainam-piarahamonina sy ara-toekarena ireo fiofanana ireo. Nanome voninahitra ny lanonana fanolorana mari-piofanana ho azy ireo ny minisitry ny Fampianarana teknika, Rasoloarisoa Marie Marcelline, niaraka amin’ireo manam-pahefana maro.
Ankoatra izay, nihaona tamin’ny tanora ao Toamasina koa ny minisitry ny Fampianarana teknika ny faran’ny herinandro teo. Nihaino sy nandray ireo hetaheta sy fanirian’izy ireo mahakasika ny fiofanana tiany arahina sy ny lalan-tsaina mankany amin’ny hoavy maharitra.
Mitohy hatrany ny ezaky ny minisiteran’ny Fampianarana teknika sy ny fanofanana arakasa amin’ny fanomezan-danja ny tanora amin’ny alalan’ny fiofanana arakasa mifanaraka amin’ny zava-misy sy ny filan’ny tsena.
Vonjy
French