Noraisim-potsiny! Voasambotry ny zandary avy ao amin’ny borigadin’i Talatamaty Ambohidratrimo ireo jiolahy telo tompon’antoka tamin’ny fandrobana narahana vonoan’olona. Namoy ny ainy tamin’izany ny teratany malagasy iray mizaka ny zom-pirenena alemà sy frantsay, ny 14 janoary lasa teo. Ny fanadihadiana nataon’ny zandary no nahafantarana fa ny efatra tamin’ireto jiolahy tratra ireto no tena nandray anjara mivantana tamin’ity fanafihana ity sy namono nahafaty ilay niharam-boina. Hatreto, mbola ifampitadiavan’ny zandary ny jiolahy iray raha voasambotra ny telo voarohirohy tamin’ity raharaha vonoan’olona ity. Nahatrarana vola mitentina 2 400 000Ar koa tany amin’ny jiolahy niaraka tamin’ny fitaovam-piadiana nampiasan’izy ireo nandritra ny fanafihana. Tsiahivina fa tamin’ny fomba feno habibiana no namoan’ireo jiolahy ireto ny mpivady niharam-boina tamin’ity fanafihana ity. Norobain’ireo mpanafika ny entana sarobidy tao an-trano.
J.C
French