Manoloana ny fidinana an-dalambe ataona vondron’ olona sy ny mpanao politika, manameloka ny fidirana an-keriny ao amin’ny Lapan’ny Tanàna Analakely ny sendikà mahaleo tena eo anivon’ny Kaominina Antananarivo Renivohitra. Nambaran’izy ireo fa sokajina ho fanafihana Lapa ny fidirana an-keriny ao. Anjaran’ny fanjakana ny miaro izany. “Tsy resaka fiarovana na tsia ny ben’ny Tanàna fa tsy ekena ny fidirana an-keriny ary tsy maintsy arovana ny kaominina, izay saro-pady”, hoy i Jaona Clément Nirintsoa, filohan’ny Syndicat autonome de la Commune Urbaine d’Antananarivo (SACUA), raha nanao fanambarana tamin’ny mpanao gazety, tetsy Analakely. “Tsy manakana ny fanehoan-kevitry ny olona sy ny mpanao politika eto Antananarivo izy ireo, fa azo atao ny maneho izany malalaka eo amin’ny Parvis sy eo amin’ny Kianjan’ny 13 mey”, hoy hatrany izy. Lavina kosa ny fidirana an-keriny ataon’ny olona ao amin’ny biraon’ny kaominina. Nohamafisiny hatrany fa andraikitry ny kaominina ny miaro ny toerana ao anatiny fa anjaran’ny fanjakana no miaro ny any ivelany.
Ankoatra izay, nambaran’ izy ireo fa misy mikasa handoro ny kaominina. Tsy tokony hiverina ny zava-misy tahaka ny tamin’ny taona 1972 teo amin’io toerana io. Nametraka fitoriana eny anivon’ny mpitandro filaminana manoloana izany izy ireo.
Etsy an-kilany, mitaky ny hamerenana ny fitantanana ny Kianjan’i Mahamasina, Kianjan’Andohalo, Kianjan’Antsojombe, ny SMGD, amin’ny kaominina ihany koa izy ireo.
Mino
French