Maro ireo mpanaraka ny pejin’ny fikambanana Psy-kôzy Madagascar amin’ny tambajotra sosialy. Nangataka izy ireo ary naniry tolotra fizahana sy fanohanana ara-tsaina maimaimpoana miaraka amin’ny psychologue, natokana ho an’ ireo olona miaina fahaketrahana ara-tsaina. Ao anatin’ny fankalazana ny fahadimy taona niorenan’ny fikambanana, hanokana fotoana hanomezana fahafaham-po ireo nangataka ny mpikambana. Misy fepetra takina anefa hahafahana misitraka izany, raha ny fanazavana. Ho an’ny tanora, lahy na vavy 18 taona hatramin’ny 35 taona, ny hetsika. Olona ahitana ireto fambara sy famantarana ireto nandritra ny telo herinandro: mitoka-monina matetika, tsy mahita tory mihitsy na be torimaso loatra, tsy mazoto homana na mihinan-kanina foana, rera-dava ary mahatsapa alahelo maharitra. Ireo olona mipetraka sy monina eto amin’ny faritanin’Antananarivo ary tsy manana fahafahana ara-bola hanatona “psychologue” no iantefan’ny tolotra. Tokony hanana fotoana isaky ny sabotsy, amin’ny volana febroary sy marsa, taona 2026, ireo vonona hanaraka ny fizahana sy fanohanana ara-tsaina maimaimpoana.
Vonjy
French