Ankoatra ireo ligim-paritra miisa 7 efa nisy teo amin’ny taranja tsipy kanetibe, ahitana an’Analamanga, Vakinankaratra, Matsiatra Ambony, Atsinanana, Alaotra Mangoro, Menabe ary Itasy, mijoro ara-dalàna ihany koa ireo 5 vaovao. Tontosa ny 13 desambra teo ny fifidianana izay ho filoha hitantana azy ireo. Araka izany, lany ho an’i Bongolava, Razakamanantsoa Onjamampianina Abelinah. Ho an’Amoron’i Mania, Rakotovao Daniel Andriantsoavina. Ny an’i Boeny, tantanan-dRakotondranaivo Hanjasitraka Tatamoniavo. Ny ligin’i Ihorombe indray, lany ho filoha i Lazatiana Aimé Herman, ary i Yvon Patrick Eloi Alphonse ny an-dry zareo Atsimo Andrefana. Miisa 12 izany ireo ligy mandrafitra ny Federation sport-boule malagasy (FSBM), ho an’ny taom-piasana manaraka.
Dingana manaraka ho an’ny taranja tsipy kanetibe ny fifidianana izay ho filoha hitantana ny federasionina, hotanterahina ny sabotsy 27 desambra ho avy izao. Tsy misy afa-tsy kandidà tokana ihany ny amin’izany dia ny filoha teo aloha Andrianirina Adrien Julio Edouard. Ireo ligim-paritra teo aloha ihany no afaka mandatsa-bato amin’io.
Tompondaka
French