Efa nivoaka ny tetiandro fakana ny vola fisotroan-dronono ho an’ireo zokiolona eto Analamanga. Mitsinjara araka ny laharana efa nalamina izay mba tsy hisian’ny fitangoronana mihoapampana indrindra amin’ireo mampirongatra ny valanaretina izao.
Ho an’ireo mandray ny vola fisotroan-dronono eny amin’ny perceptions princiales (PP) sy ny eny amin’ny Tresorerie principale (TP), ary ny eny amin’ny Trésorerie Principale Inter-communale (TPIC) dia efa mazava ny lamina.
Hanomboka ny zoma 9 janoary izao ny fizarana ho an’ireo manana laharana miafara amin’ny 0- 1- 2. Anjaran’ ireo manana laharana miafara amin’ny 3-4-5 kosa manomboka ny alatsinainy 12 janoary. Mitohy ny talata 13 janoary izany ho an’ireo laharana miafara amin’ny 6-7-8-9.
Ny miafara amin’ny A-B-C-D-E kosa ny alarobia 14 janoary.
Manomboka ny alakamisy 15 janoary no mandray ireo izay mitondra “procuration” sy ireo taraiky.
Eny amin’ny Paierie Générale d’Antananarivo sy ny Recette Générale d’Antananarivo eny Antaninarenina kosa dia ny laharana miafara amin’ny 0- 1- 2- 3- 4-5 no mandray ny zoma 9 janoary. Ny miafara amin’ny 6- 7-8-9-A-B kosa no maka ny anjarany ny alatsinainy 12 janoary. Ny 13 janoary no mandray ny azy ireo manana laharana miafara amin’ny C- D-E-F.
Tatiana A
French