“Iza amin’izy efatra”? Ho fantatra anio, etsy amin’ny Lapan’ny Fanatanjahantena sy ny Kolontsaina Mahamasina, ny anaran’ny filoha vaovao hitantana ny Federasionina malagasin’ny Handball (FMH). Hatao androany eny an-toerana mantsy ny fifidianana izay ho lehibe hitondra izany indray mandritra ny efa-taona manaraka eo.
Miisa efatra ireo kandida nirotsaka hifanintsana amin’ izany. Anisan’izany Rasolofoson Herizo Thierry, sekretera jeneralin’ny FMH. Eo ihany koa Razafindredohy Mananjara Jaona sy i Andoniaina Henintsoa Guillaume ary Ratsimandao Andriamanga Herilovasoa Andrianisainana.
Ampahafantarina fa nisafidy ny tsy hirotsaka amin’ity fifidianana ity, Raheriarijaona Régina Clarisse, lehiben’ny Federasiona FMH teo aloha. Marihina fa mialoha ny fifidianana, hisy ny fivoriambe ara-potoana hatao, hanaovana ny tatitra ara-bola sy ara-moraly ary ny ara-teknika, nandritra izay fitantanana lasa izay.
Ankoatra izay, raha tsy misy ny fiovana farany, hatao any Toamasina, ny 6 hatramin’ny 15 febroary ho avy io, ny fifanintsanana aty amin’ny ranomasimbe Indianina, CCOI.
Fitia Randria
French