Nahitana tranga nendran-drajako Mpox iray ao Vakinankaratra, olona roa hafa koa ahina ho tratran’izany. Manamafy ny ezaka rehetra amin’ ny tsy hiparitahan’ity valanaretina ity ny minisiteran’ny Fahasalamam-bahoaka miaraka amin’ireo tomponandraikim-panjakana ao an-toerana sy ny fanjakana foibe. Nisy ny fivoriana natao ny fiandohan’ ny herinandro teo nametrahana rafitra ho fisorohana ny fihanaky ny aretina, araka ny fampitam-baovao avy amin’ny fiadidiana ny faritra.
Napetraka ary am-perinasa avy hatrany ny rafitra Centre Operatiorationnel d’Urgence pour la Santé Publique (COUSP), izay ivom-pibaikoana sy fanaraha-maso ny fivoaran’ny aretina ao Vakinankaratra. Ahitana ny fiadidiana ny faritra Vakinankaratra, Prefektiora, OMC miaraka amin’ny sampandraharahan’ny minisitera rehetra ao. Fepetra sakana maro samihafa no ampiharina avy hatrany : fanasana tanana matetika, fanaovana arovava orona, famendrahana fanafody amin’ ireo toerana samihafa hifamezivezean’ny vahoaka. Eo koa ny fanamafisana ny fampahafantarana ny vahoaka amin’ny alalan’ny haino vaky jery ny fisian’ny aretina Mpox sy ireo rehetra tokony atao manoloana izany.
Azo sorohina ny fihanaky ny Mpox ka raha mahatsapa fambara hafahafa ny vatana dia tokony hanatona toeram-pitsaboana avy hatrany. Mandray an-tanana ireo marary rahateo ny fanjakana. Ilaina ny fifanomezan-tanan’ny rehetra ho fisoroana ny aretina, hoy ny lehiben’ny faritra mpisolo toerana, Ravaonirina Nathalie Sébastienne.
Vonjy
French