Tonga nitsidika sy nizara traikefa tao amin’ny Akademia Miaramila (Acmil) Antsirabe, ny talata teo, ny Jly Ranjeva Marcel (efa misotro ronono). Nandray azy ny kaomandin’ny Acmil, ny Jly Pikulas Démosthène. Nisy fifampizarana nataony tamin’ireo mpianatra ho manamboninahitra. Notsindriny manokana ny etika sy ny toe-tsaina maha manamboninahitra rehefa mivoaka ny sekoly. Tarigetra rahateo ny hoe « Ho an’ny Tanindrazana ». Nanome torolalana ireo mpianatra izy amin’ny hanandratana hatrany ny sekoly, izay azo lazaina fa anisan’ny tsy mena-mitaha amin’ireo toeram-pampiofanana mpianatra manamboninahitra aty Afrika. Tombony lehibe ny fananana herim-batana sy herin-tsaina mandritra ny fanarahana ny fiofanana satria izany rahateo koa no entin’ireo mpianatra rehefa mivoaka ny sekoly, araka ny nambarany. Nifampidinidinika tamin’ireo mpianatra ity manamboninahitra jeneraly ity taorian’izay. Marihina fa efa kaomandin’ny Acmil ny Jly Ranjeva ny 1986 hatramin’ny 1992.
Jean Claude
French