Tetikasa manaraka ny fitsipiky ny Fahasalamana iraisana (One health) momba ny fahasalaman’ny olombelona, ny biby ary ny fahasalamana mifandraika amin’ny tontolo iainana ny tetikasa “Tafaray”. Tetikasan’ny fitondrana, vatsian’ny Banky iraisam-pirenena ary haharitra hatramin’ny taona 2026, ny “fahasalamana ho an’ny daholobe tsy anavahana sokajin-taona”. Hitsinjovana hatrany ny fahasalamam-bahoaka no tanjona ary natomboka tany Toamasina, ny fiandohan’ny herinandro teo.
Tanjona iombonana ny hanamafisana ny fiarovana ara-pahasalamana sy ny fiatrehana ny valanaretina mety hiseho eto amintsika ary ny hampiroborobo ny tolotra ara-pahasalamana eny ifotony. Hitondra tombontsoa mivantana ho an’ny Malagasy tsirairay ny tetikasa ary hojerena manokana ny fahasalaman’ny vehivavy, ny zatovovavy ary ny zaza latsaky ny 5 taona. Minisitera efatra no mifarimbona amin’ny fanatanterahana dia ny minisiteran’ny Fahasalamam-bahoaka, ny Fampianarana ambony, ny Fambolena sy ny fiompiana ary ny Tontolo iainana fa ny minisiteran’ny Fahasalamam-bahoaka no mitarika ny tetikasa.
Vonjy
French