Hitohy any Mahajanga indray ny “Mihava Tour” ka hihaonan’ny depiote Randrianasoloniaiko Siteny, amin’ny vahoaka any an-toerana. Hiara-dia aminy ireo depiote ampolony, efa niaraka taminy amin’ny fitsidiham-paritra ataony. Hihaino ny hetaheta sy ny maharary ny vahoaka any an-toerana ny tenany amin’izany.
Tsiahivina fa nihazo ny tany Israely ity depiote mitarika ny “Mihava Tour” ity, ny herinandro teo, ka nihaona tamin’ny praiminisitra israelianina. Niarahaba sy nirary soa koa ny vahoaka any an-toerana noho ny fetin’ny Fahaleovantenan’izany firenena izany.
Nialoha izany, namakivaky ny tany amin’ny faritra Sava ny tenany ary nitondra soso-kevitra sy vahaolana manoloana ny seha-pihariana lavanila. Teo koa ny fihainoana ny olana sosialin’ny mponina ary izao hihazo ny any Boeny izao indray.
*
Synèse R.
French