Hotanterahina manomboka anio sy rahampitso 7 mey, ny fifanintsanana amin’ny fandraisana anjara ny “FIBA 3 x3 World Cup” ho an’ny sokajy vehivavy, izay atao any Israel. Hihaona amin’ny Ankoay anio ny ekipan’i Republic Czech sy i Aostralia. Efa vonona tanteraka ny Ankoay, vehivavy, tsiahivina fa ny alahady lasa teo izy ireo no niainga teto an-tanindrazana handeha hiaro ny voninahi-pirenena any Eilat.
Efa niatrika fanazaran-tena faharoa sady farany ny ekipa malagasy, omaly, ary efa hita ny fahavononan’izy ireo hiatrika ny lalao sy haka ny fandresena. Ankoatra izay, ny 30 mey ho avy izao, ny Ankoay, lehilahy, 3 x 3 no hiatrika ny fiadiana ny tompondaka eran-tany “Fiba 3 x 3 World Cup”, izay hotontosaina any Autriche, ny 30 mey hatramin’ny 4 jona 2023 ho avy izao.
Fitia (Mpianatra asa)
French