Mahita hirika foana ! Voasambotry ny polisy miasa ao amin’ny kaomisaria boriborintany fahafito (CSP7), teny amin’ny faritra IVO Antohomadinika Atsimo, afakomaly, ny lehilahy iray niaraka tamin’ny zava-mahadomelina mahery vaika. Loharanom-baovao no nahafantaran’ny polisy momba ny fisian’olona mivarotra sy midoroka zava-mahadomelina mahery vaika eny Antohomadinika Atsimo. Tsy niandry ela ny polisy fa nidina haingana nijery ity toerana voalaza fa misy mpanao trafikana héroïne ity. Lehilahy iray tratra nandritra ny fanaraha-maso nataon’ny polisy teny an-toerana. Hita tany aminy koa ny fitaovana fampiasa sy fonosana “rôrô” maromaro tanaty tranon’afokasoka. Nilaza izy, nandritra ny famotorana fa sady mivarotra no midoroka ity zava-mahadomelina mahery vaika ity.
Jean Claude
French