Manomboka hita taratra ny fanatsarana ny fomba fiasa. Sarona ny alatsinainy sy talata teo, tetsy amin’ny fitsarana Anosy, ireo mpijirika miisa roa. Anisan’ny fomba fiadin’izy ireo ny fakana vola amin’ireo manan-draharaha ao amin’ny fitsarana. Mampanantena sy milaza fa mahavita mamoaka gadra any am-ponja izy ireo amin’izany ary efa maro ireo lasibatra. Tsy nitazam-potsiny fa nametraka vela-pandrika avy hatrany ny filohan’ny fitsarana, ny tonia mpampanoa lalàna ary ny lehiben’ny mpiraki-draharaha ao amin’ny fitsarana ambaratonga voalohany eto Antananarivo ka izao nahitam-pahombiazana izao izany.
Niara-niasa tamin’ny fahazoana vokatra ireo eo anivon’ny mpitandro filaminana. Niainga amin’ny fampiharana ny paikady napetraky ny minisitra Randriamanantenasoa Landy Mbolatiana. Anisan’izany ny famerenana ny fahatokisan’ny vahoaka ny fitsarana.
Na izany aza anefa, tokony hitohy ny ezaka ary hamafisina ny tahaka izao. Mety efa manana tambajotra sy andiany izy ireo, ankoatra ny ady amin’ny kolikoly eny anivon’ny fitsarana.
Synèse R.
French