Aina vao indray no hoentin’ny tale jeneraly vaovaon’ny Caisse d’Epargne Madagasikara. Tanjona ny
hahazoan’ny orinasa tombombarotra, ny fitomboan-karena ary maharitra.
Nampahafantarina tamin’ ny fomba ofisialy, ny alakamisy 29 jona teo, ny tale jeneraly (DG) hitantana ny Caisse d’Epargne Madagasikara (CEM). Taorian’ny masontsivana samihafa, tinapaka teo anivon’ny filankevi-pitantanana fa Ranaivoarisoa Vonifanja Harinala, izay sambany vehivavy, no handray ity toerana manan-danja ity. Tsiahivina fa tale jeneraly mpisolo toerana roa, Andriamanantsoa Claude sy Razafindrakoto Serge no nodimbiasany.
Tanjona napetraky ny DGn’ny Cem vaovao ny hanatsarana ny fampidiram-bola, hahazoana tombombarotra, ny fitantanana hiteraka fitomboan-karena sady maharitra. Hanatanterahana izany ny hampiasana sampandraharaha ara-bola madinika (IMF) ho fomba sy fitaovana rehetra hiadiana amin’ny fahantrana. Izany no mitarika any amin’ny fananana toe-tsaina ara-bola.
Nohamafisin-dRanaivosoa Vonifanja, fa isan’ny iraka vonona hiara-kiasa amin’ny Malagasy mpandraharaha ny CEM, mba hisy fiantraikany any amin’ny orinasa tsy miankina.
Traikefa maro
Manana ny traikefa feno eo amin’ny tontolo ara-bola ny tenany, niasa nandritra ny 13 taona tao amin’ny banky Société Générale (SG) Madagasikara. Nitazona andraikitra ambony samihafa, toy ny mpanolotsaina ny mikasika ny mpanjifa, tomponandraikitry ny fampiofanana, talen’ny masoivoho sy ny vondron’ny masoivoho, sns. Manana ny orinasa kabinetra HR Consulting koa izy, misehatra
amin’ny tontolo ara-bola. Aminy, « fianarana foana ny fiainana ».
Nanome toky ny solontenan’ny mpiasan’ny CEM fa vonona hanao ny fara heriny hiara-kiasa sy hifandrimbona amin’ny tale jeneraly vaovao.
Njaka Andriantefiarinesy
French