Tsy nolavovam-potsiny ny fotoana. Nampahafantatra ny fahafenoan’ny mpanjifa ao aminy ho 12 tapitrisa ny Telma, omaly. Notolorany fanomezana ilay tsara vintana nameo io isa io.
Feno 12 tapitrisa, ny alakamisy 13 jolay 2023, ny mpanjifan’ny Telma. Araka izany, nisy ny hetsika ho fampahafantarana izany, omaly, teny amin’ny Campus Telma Andraharo. Nandritra ny fotoana no nanolorana fanomezana ho an’ilay mpanjifa faha-12 tapitrisa, Rakotoarivelo Onja Mihanta Lalaina Fabienne, tovovavy mpianatra, avy any Fianarantsoa, manatanteraka andran’asa eto Antananarivo. Loka maro no nentin’ny Telma nisaotra sy niarahaba azy. Tanjona, hoy ny tomponandraikitry ny orinasa, ny hanome fahafaham-po ny rehetra. “Ho anay, manan-danja ny mpanjifa tsirairay. Izany indrindra no nanaovana izao fanomezam-boninahitra sy fisaorana ity mpanjifa faha-12 tapitrisa ity izao”, hoy Rabefitia Zo Ny Riantsoa.
Nahazo finday avo lenta, “Box4G”, Mbalik sy ny fitaovana miaraka aminy ny mpanjifa faha-12 tapitrisa. “Efa mampiasa Telma aho fa tsy maintsy nividy laharana vaovao indray noho ny antony arak’ asa”, hoy i Fabienne, mpanjifa faha-12 tapitrisan’ny Telma.
Lin M.
French