Hanomboka anio 29 aogositra ny fifaninanana ho an’ny taranja basikety, ao anatin’ny lalaon’ny Frankofonia, tontosaina any Kinshasa RD Congo, ho an’ny solontena malagasy. Araka ny vaovao, nahitana fiovana ny fizaram-bondrona ho an’i Madagasikara. Hiatrika ny dingana fifanintsanana manoloana an’i Kameronina sy Tonizia ny Ankoay, raha toa ka tao amin’ny vondrona A niaraka tamin’ny RD Congo sy Canada ary Congo Brazzaville no nisy azy ireo, tany am-piandohana. Tsiahivina fa ny taranja basikety, sokajy vehivavy, ihany no hifaninanan’ny Malagasy, i Kameronina no hifanandrina voalohany amin’izy ireo, anio. Hifandona amin’i Tonizia kosa ny Ankoay, rahampitso alahady 30 jolay, ao anatin’ny lalaon’ny fifanintsanana isam-bondrona.
Araka ny efa fantatra, hanainga anio, hihazo ireo namany, ny eo amin’ny taranja Judo, anio. Anisan’ny ao anatin’ny delegasiona, Rasoanaivo Razafy Laura, izay hitondra ny sainam-pirenena malagasy amin’ny lanonam-pamaranan’ity lalao ity. Ny 1 aogositra no hanomboka ny fifaninanana ho an’ny taranja Judo.
Mi.Raz
French