Olona iray naratra, vokatry ny fifandonana Sprinter roa tamina kamiao iray tao Tsaramanga Ambatofotsy, omaly tamin’ny
3 ora maraina. Nijanona teo amin’ny fiolahana anaty fiakarana io kamiao io. Tsy nahitan’ny mpamily Sprinter mari-pamantarana izany ka nitarika ny loza. Tsy nisy ny aina nafoy.
Taxi iray hotohoton’ny afo tetsy Anosy, omaly maraina. Tao anatin’ny haizina, vitsy mpandalo ny arabe no indro nijoalajoala ny afo. Niezaka namono izany ny mpamily saingy kila ny fiara.
Tratra ny jiolahy mpamaky trano iray teo amin’ny sampanan-dalana mihazo an’Ambohitrimanjaka, omaly. Nivoaka avy any anaty haizina, sendra ny zandary hanao fisafoana tampoka io olon-dratsy io, tamin’ ny 1 ora sy sasany maraina. Noraisim-
potsiny ny lehilahy.
Moto roa azon’ny polisy teny am-pelatanan’ny jiolahy tao Alasora, afakomaly alina. Nanosika ireo kodiaran-droa ireo teny amoron-dalana ny lehilahy roa. Nahatazana ny polisy nanao fisafoana, nirifatra nandositra izy ireo ka nariany teo ireo moto.
French