Tokantrano iray norobain’ny olon-dratsy tao Soavinimerina, kaominiana Ambohimanga Rova, omaly. Lasan’ny olon-dratsy ny finday roa sy zavamaneno iray, tamin’ny 11 ora sy sasany atoandro. Nitsambikina varavarankely ilay mpandroba ka nitsoaka.
Fiara tsy mataho-dalana roa nifandona teny amin’ny lalan’i Tsarasaotra, omaly tolakandro. Samy nandeha mafy ny mpamily ka niafara tamin’ny loza. Tsy nisy ny aina nafoy.
Misitraka fanofanana manokana amin’ny alalan’ny zaitra ireo vehivavy mamita sazy any am-ponja amin’izao fotoana. Hanomezana azy ireo fahaiza-manao ahafahany mivoatra amin’ny fiainana sy miverina amin’ny fiarahamonina aorian’ ny fivoahana ny fonja izany.
Lehilahy iray maty vokatry ny ady totohondry Morengy, tany Betsabetsa, kaominin’Anaborano Ifasy, distrikan’Ambilobe, ny 3 aogositra teo. Nandritra ny lalao famaranana, voadaroka mafy ny mpifanandrina iray ka niafara tamin’ny famoizana aina. Nosamborin’ny zandary ilay nidaroka.
French