Sombim-baovao

Nahazo vokatra tsara ny ekipan’Analamanga FC Rouge, omaly, nandritra ny andro fahadimy, fifaninanana D2 Nasionaly. Nomontsanin’izy ireo, tamin’ ny isa 10 no ho 0, ny FCA Analanjirofo. Marihina fa manana isa 5 ny FC Rouge amin’izao fotoana izao. Mitohy ny fifaninanana !
Afaka 11 andro, hanomboka ny lalaon’ny Nosy JIOI 2023, izay hatao eto amintsika, ny 25 aogositra hatramin’ny 3 septambra. Anatin’ny fanomanana ny ekipam-pirenena Makis 7 de Madagascar. «  Azo antoka fa lasantsika ny medaly volamena amin’ny taranja rugby lalaovin’olona fito », hoy ny filohan’ny Malagasy Rugby, Rakotomalala Marcel.
Norombahin’ny Al Nassr ny amboaran’ny Arabie Saoudite, rehefa nandresy ny Al Hilal,
tamin’ny isa 2 no ho 1, ny sabotsy lasa teo. Baolina roa tafiditr’i Cristiano Ronaldo (CR7), mpilalaon’ny Al Nassr no nitondra fandresena ho an’ity ekipa arabo ity. Tsiahivina fa baolina 6 tamin’ny lalao
5 nataony no tafiditr’i CR7.