Olona iray namoy ny ainy voadonan’ny kamiao tao Ilafy, Avaradrano, afakomaly. Tapaka hisatra, nifatratra tamin’ny tamboho io fiarabe io. Olona roa voafaoka ka maty tsy tra-drano ny iray. Nentina namonjy hopitaly ny iray naratra mafy.
Pasitera amina fiangonana zandriny iray tratra nangalatra moto tao Ambohimangakely, afakomaly. Very moto ny lehilahy iray tany Arivonimamo ka io pasitera io no nisandoka ho polisy ary nivarotra ilay entana halatra tamin’ny facebook. Noraisim-potsiny izy.
Jiolahy iray lavon’ny mpitandro filaminana tao Andranobevava, kaominina Antanimbary, distrikan’i Maevatanàna, ny 15 aogositra teo. Ilay nanafika sady nandroba ireo mpitrandraka volamena tao an-toerana ity lavo ity.
Olona telo voasambotra tamin’ny raharaha vono olona mianaka tao Betafo, ny faran’ny herinandro teo. Ady lova no namonoana azy mianaka, araka ny fanadihadian’ny mpitandro filaminana.
French