Trano fivarotana misy rihana iray niharan’ny firehetana tao Antohomadinika afovoany, omaly tamin’ny 1 ora tolakandro. Nandraraka “diluant” tao ambony rihana ny tompon-trano ka niraraka tampoka tamin’ny afo. Niteraka ny fahamaizana tao ambony rihana izany. Voafehy ny fokonolona ny firehetana.
Raim-pianakaviana iray noleran’ny jiolahy antsy teny Anosizato Andrefana, afakomaly alina. Lasan’ny olon-dratsy ny finday. Tsy nisy vola intsony teny amin’io lasibatra io satria efa laniny teny am-pisotroana.
Efa-dahy nosamborin’ny polisy tao Mahajanga, ny alarobia 15 aogositra teo. Mpanendaka ny roa lahy raha toa ka nampihatra herisetra ara-batana tamin’ny olona lasibatra ny roa hafa. Natolotra ny fampanoavana ka nidoboka am-ponja izy efa-dahy.
Fiara tsy mataho-dalana latsaka tao anaty rano tao Manambato, afakomaly alina. Saika hiakatra ambony baka ny fiara kinanjo latsaka tao anaty rano. Tsy nahazo tsara ny hisatra ka nitarika ny loza. Tsy nisy ny aina nafoy.
French