Tra-tehaky ny mpitandro filaminana ny dahalo enin-dahy nangalatra omby tao Madirofody, fokontany Lakovola, kaominina Marovoay, ny faran’ny herinandro teo. Nitrangana fandrobana nataon’ny dahalo am-polony tao amin’io tanàna io ny 17 aogositra lasa teo. Nentin’ireo olon-dratsy tamin’izany ny omby miisa folo, tokony tamin’ny 4 ora maraina. Nampandre ny zandary miasa ao an-toerana avy hatrany ny lasibatra. Nanara-dia nanampy azy ireo koa ny fokonolona. Tratra tao Maroadabo, fokontany Ambatobe ireo dahalo. Nitondra moara sy fitaovana fampiasa amin’ny halatra omby ireo mpandroba. Tsy afa-nitsoaka intsony anefa ireto farany rehefa tafalatsaka tao anaty vela-pandriky ny zandary. Vokany, enin-dahy azo sambo-belona. Nalaina teny am-pelantanan’izy ireo ny omby halatra. Naverina tamin’ny tompony ireto farany. Mitohy ny fikarohana ny naman’ireto dahalo voasambotra ireto. Marihina fa hatalotra ny fampanoavana aorian’ny fanadihadiana azy izy enina mirahalahy voasambotra.
Tsiferana R.
French