Mbola tsy mikatona ny fery… Saingy “ny mozika mitohy sy velona hatrany!”, hoy, hono, ny hafatr’i Delacre, araka ny nampitain’i Michael, zanany. Mitohy, araka izany, ny fanomezam-boninahitra ity andrarezin’ny mozika, izay vao lasa tamin’ny herinandro teo ity. Hisy ny “cabaret” manokana hatolotra ho an’i Delacre, homanin’i Mickael sy ireo mpanakanto maro namany, izay hotontosaina etsy amin’ny karibotel Analakely, ny zoma 15 desambra izao, manomboka amin’ny 8 ora alina.
Hamerenana indray ireo hiran’ny tarika Black Jacks sy izay hira rehetra noforonin’i Delacre ka nampindraminy mpanakanto maro io fotoana io. Anisan’ireo mpanakanto hifanotrona amin’i Mickael ry Mbola Talenta, Rado Manalina, sns. Mbola eo hatrany koa ireo niaraka taminy tao amin’ny tarika Black Jacks, ankoatra ireo namana mpanakanto efa nifanotrona tamin’ny fahoriana. Tsotra ny anton’ny fiarahana: ny mpanakanto tsy mba maty, fa velona mandrakizay amin’ny alalan’ny sanganasany izay ankasitrahana azy.
Zo ny Aina
French