Handeha mivantana amin’ny haino aman-jerim-pirenena RNM/TVM ny lahatenin’ny filohan’ny Repoblika. Kabary firariantsoa sady hanambarany ny tetikasa laharam-pahamehana izany, hotanterahina amin’ny alahady 31 desambra izao, amin’ny 8 ora alina.
Nanamarika ny faha-51 taonany ny MFM, afakomaly. Mbola nohamafisin’izy ireo ny tokony hanadiovana ny tokotany, mialoha ny fifidianana. Nanome toky koa ny “Mafana”‘ fa tsy hihemotra amin’ny tolona efa natomboka ho amin’ny fanjakana tan-dalàna sy tsara tantana.
Eto an-toerana avokoa ny ankamaroan’ireo minisitra mpikambana eo anivon’ny governemanta amin’izao fotoana izao. Hankalaza ny faran’ny taona sy ny fiandohan’ny taona any amin’ny faritra niaviany ny sasany amin’izy ireo.
Hotanterahina ny alahady 21 janoary ho avy izao ny fotoan-dehibe ho an’ny FJKM, hitondrana am-bavaka ny taom-piasana 2024. Hisy koa ny hafatra sy ny teny fampianarana ho entin’ny birao foibe, ho an’ny vahoaka sy ny kristianina.
French