Maty nilatsaham-baratra ny lehilahy iray 32 taona tao Arivonimamo, ny sabotsy 31 desambra teo. Nitondra bisikileta ity lehilahy ity no kilan’ny varatra tampoka. Tsy nisy taratasy namantarana azy intsony teny aminy. Naterin’ny fokonolona tao amin’ny hopitaliben’ Arivonimamo ny nofo mangatsiakany.
Naiditra am-ponja vonjimaika ny lehilahy iray nanolana ankizivavy 14 taona tao an-tranony tao Ambohitrinilahy, fokontany Antanetilava, kaominina ambanivohitra Merimandroso, ny zoma 29 desambra 2023 teo. Bevohoka efa-bolana io vehivavy voaolana io ka nokarohina ilay nahavanon-doza ary tra-tehaky ny zandary.
Tovolahy mpanendaka eny amin’ny faritry ny Gare Antsirabe, voasambotry ny polisim-pirenena, ny faran’ny herinandro teo. Efa malaza ratsy eny amin’ny manodidina ity lehilahy tratra ity. Mbola misy namany hafa karohina, araka ny fanazavan’ny polisin’ny UIR ao an-toerana.
Zazalahy 12 taona maty natsingevan’ny rano tao Ampanasanjejo, Antanambao, kaominin’i Miarinarivo Itasy, ny zoma 29 desambra teo. Maty an-drano, araka ny fizahan’ny mpitsabo sy ny fanamafisan’ny zandary miasa ao an-toerana.
French