Nandray ireo delegasiona avy amin’ny Biraon’ny Firenena mikambana misahana ny fanohanana ireo tetikasa (Unops ) sy ny Banky iraisam-pirenena ny filoha Rajoelina Andry, omaly, teny Iavoloha. Niompana amin’ny tetikasa fampandrosoana ny dinika tamin’izany.
Nihaona fanintelony, teny Iavoloha, ny iraka notarihin’i Seck sy ny fitondram-panjakana malagasy, omaly. Nambaran’ny filoha, Rajoelina Andry, fa: misokatra amin’ny fiaraha-miasa marolafy ny tenany mba hanatanterahana ny tetikasa samihafa. “Tsy maintsy tadiavintsika amin’ny fomba rehetra ny hampandrosoana ny firenena sy ny vahoaka malagasy”, hoy izy.
Nodinihina manokana nandritra ny fivoriana ny fiaraha-miasan’i Madagasikara miaraka amin’ny Unops. Tanjona ny fanafainganana ny fanatanterahana ireo tetikasa laharam-pahamehana eo amin’
ny lafiny ara-pahasalamana. Velom-panantenana ny rehetra. Ny fiaraha-mientana toy izao no ahafahana manatratra ny tanjon’ny fampandrosoana voarakitra ao anatin’ny Politika ankapoben’ny fanjakana (PGE). Nohamafisin’ny filoha tao anatin’ny dinika arakasa andiany fahatelo niarahana tamin’ny solontena maharitry ny Banky iraisam-pirenena sy ny Unops ny momba izany. Anisan’ireny ny fampiroboroboana manokana ny fahasalamana sy ny manodidina azy.
Naneho ny fahavononany ireo delegasionina sy mpiara-miombon’ antoka amintsika ireo ny hanolo-tanana hatrany ho amin’ny fanatrarana ny tanjona napetraka ho amin’ny fampandrosoana ny firenena.
Tsiahivina fa anisan’ny niatrika izao fihaonana izao koa ny minisitry ny Fitantanam-bola, Rabarinirinarison Rindra Hasimbelo.
Synèse R.
French