Karohin’ny zandary ny mpamily taxi-be mampitohy an’Ivato sy Vassacoss izay nandona olona teny amin’ny sampanan’Ambohimanga Rova, afakomaly hariva. Nifaoka mpitondra moto iray io fiara io, ny alahady 21 avrily teo, tamin’ny 7 ora hariva. Nirifatra nandositra nanohy ny diany tao anatin’ny haizina io fiara nahavanon-doza io. Tetsy ankilany, nidaraboka tamin’ny tany, nifamonjen’ny mpandalo ilay mpitondra moto. Nentina namonjy ny hopitaly Anosiavaratra izy saingy voatery nakarina teny anivon’ny HJRA noho ny voina mafy nahazo azy. Voamarina anefa fa vaky ny taolan-tavany. Nentina ao amin’ny hopitaly Befelatanana izy, omaly. Manoloana io tranga io, efa am-pelatanan’ny zandarimaria ny fanadihadiana. Miantso ny nahavanon-doza izy ireo hitolo-batana. Mitohy ny famotorana.
Tsiferana R.
French