Voasambotry ny zandary afakomaly, ireo efa-dahy nandroba fiara tra-doza tao Anjiajia, fokontany Manjakavaradrano, kaominina Mahatsinjo. Nalain’ireo olon-dratsy ireo ny entan’ny mpandeha tao anatin’ny fiara niharanon-doza, ny 7 mey lasa teo, tamin’ny 1 ora sy fahefany maraina. Naratra nandritra io voina io ny mpandeha iray izay mpitsara baolina kitra iraisam-pirenena. Tsy hita anefa ny entan’izy ireo. Nanokatra fanadihadiana ny mpitandro filaminana. Nokarohina ireo nahavanon-doza. Tsy niala lavitra ny toerana nitrangan’ny loza, izay teo amin’ny PK204+500 nanomboka nisava ny manodidina ny zandary. Sarona tao amin’ny tanàna 5 km niala ny arabe ny mpandroba. Nahatrarana ampahany tamin’ireo entana voaroba teny amin’ny lehilahy iray. Nitoroka ny namany ity farany. Vokany, efatra ireo voasaringotra tamin’ity fandrobana fiara niharo fandratrana mpandeha ity.
Tsiferana R.
French