Taorian’ny fifaninanana nasionaly teo amin’ny «Slam » nahafahana namantatra ny tompondakan’i Madagasikara. Mitohy amin’ny fampirantina, ny fankalazana ny faha-15 taonan’ny fikambanana Madagaslam. Eny amin’ny Ivontoeran’ny Kolontsaina Malagasy na IKM Antsahavola no hanatanterahana izany. Hetsika nanomboka ny 2 desambra ary tsy hifarana raha tsy amin’ny 23 desambra 2022.
«Tanjona ao anatin’izao ny hanaovana jery todika ny lalana nodiavin’ny fikambanana sy ny hampahafantarana ny zava-nisy hatramin’izay 15 taona nisian’ny fikambanana Madagaslam izay», hoy i Tajero, mpankafy Slam. Mandravaka ny efitrano fampirantian’ny IKM eny Antsahavola ny sary maro isaky ny karazany avy. Isan’izany ny sarin’ny filohan’ny fikambanana hatramin’izay nisian’ny Madagaslam izay. Eo ihany koa ny sarin’ny tompondaka isan-taona izay nisolo tena an’i Madagasikara tamin’ny fifaninanana iraisam-pirenena. Tazana ao ihany koa ny akanjo nentina nanamarihana ny «Festival Madagaslam» tao anatin’izay 15 taona izay.
Lin (Mpianatra asa)
French