Hanomboka anio ary tsy hifarana raha tsy amin’ny voalohan’ny volana janoary izao ny Noelin’Iarivo izay hotanterahina etsy amin’ny kianja Barea Mahamasina, ampitan’ ny St Michel.
Hisy ny tsenan’ny asa tanana malagasy sy ny tranoheva ho an’ny karazana sakafo masaka. Omen-danja indrindra koa ny ankizy amin’ireo karazan-kilalao sy fialamboly satria efa ao anatin’ny fialan-tsasatry ny Noely izy ireo.
Toerana mihidy no hanaovana ny hetsika ho fitandroana ny fandriampahaleman’ireo ankizy izay omena fahafaham-po mandritra ny hetsika, hoy ny mpikarakara ao amin’ ny CUA. Maimaimpoana ny fidirana amin’ny fitsidihana ireo tranoheva.
Tanterahina eny amin’ny zaridaina Antaninarenina, ny 28 ka hatramin’ny 31 desambra koa ny hetsika «Kaly malagasy» andiany fahefatra ahitana ny tsiro sy hanitry ny sakafo natoraly. Hahafahan’ ireo mpitsidika misitraka ny karazan-tsakafo maro afaka karakaraina ihany koa amin’ ny fety.
Tatiana A
French