Tanan’olona efa simba, hitan’ny fokonolona notaritarihin’ny alika tao Antsahakely, kaominina Antsirabe I, omaly. Mpandalo no nahatsikaritra io tanan’olona io teny am-bavan’ny alika. Taitra ny manodidina. Nidina nanao ny fisavana ny toerana manodidina ny tomponandraikitry ny filaminana ao an-toerana. Tsy nahitana fatin’olona anefa teo amin’ny fokontany nisy ilay tanan’olona. Tsy nahare fisiana tranga vono olona koa ny mponina. Nozahan’ny mpitsabo ilay sandrin-tanan’ olona hita io. Nanamarina ireto farany fa ahina ho efa herinandro teo ho eo no nialan’io tanana io tamin’ny vatana nisy azy. Miroso amin’ny fanadihadiana lalina sy ny fikarohana momba ity tranga mampiahiahy ity ny mpitandro filaminana ao an-toerana.
Tsiferana R.
French