Notanterahina, omaly, teny amin’ny zaridainan’Andohalo ny «Lakozia mitety sekoly». Hetsika niarahan’ny vaomieram-pirenena malagasy momba ny Unesco (Com.Nat. Unesco) sy ny Haka Fy Authentic Restaurant, hanomezan-danja ny sakafo malagasy sy ny ankizy. Notsiahivin’i Manda Ravelojaona, S.G. Com.Nat. fa : «mivoy kolontsaina ny sakafo. Misy fotony avokoa ny zavatra ao anatin’ireny taharo ireny. Omeo sehatra amin’ny nahandro sakafo ny ankizy ry ray aman-dreny mba ahafahany mivelatra sy manatsara ary mampitombo ny fahaizany mahandro».
Ankizy 30 avy amina sekoly telo (Pinocchio, Au petit poucet, Eduction For Madagascar) no nandray anjara tamin’ity andiany voalohany ity. Samy nahazo ny laharana voalohany avokoa izy ireo satria samy namiratra teo amin’ny nahandro nataony (tsiro, endrika, …). Nandray anjara mavitrika rahateo tamin’ny fikarakarana ity hetsika ity ny «Réseau des écoles associées de l’Unesco» ao anatin’ny Com.Nat.
HaRy Razafindrakoto
French