Nanolana sady nandrahona ho faty! Ankizivavy 16 taona no naolan’ilay lehilahy nahavanon-doza ka nampidirana azy eny Tsiafahy, afakomaly. Nanamparan’io tsy valahara io ny filan-dratsiny ilay zaza tsy ampy taona. Raiki-tahotra noho ny fampitahorana nataon’ilay nahavanon-doza anefa io tovovavy io ka nitondra irery ny zanany tao an-kibo nandritra ny 9 volana. Narian’io tovovavy io teny an’arabe tao Ambohimahavelona, fokontany Malaza, kaominina Ampitatafika, distrika Atsimondrano, anefa ilay zanany rehefa teraka. Tsikaritry ny mpandalo ny fisian’io zazamenavava nisy nanary io ka avotra soa aman-tsara. Natao famotorana ny renin-jaza. Nambarany fa vohoko tsy niriany velively io zaza io. Ny fanolanana nihatra taminy no nahazoany azy. Naterany irery ilay zaza ka io nariany io rehefa tsy nisy nanampy azy ny manodidina. Voatonona tamin’ny famotorana ilay lehilahy nanao ny fanolanana ka nokarohina. Voasambotra izy ary niaiky heloka. Niakatra fampanoavana ny raharaha. Naiditra vonjimaika eny Tsiafahy miandry ny fotoam-pitsarana azy io mpanolana io.
Tsiferana R.
French