Namoizana ain’olona iray indray teny amin’ny lalam-pirenena fahadimy teo amin’ny 17 km tsy hidirana ny tanànan’i Soanierano Ivongo, omaly maraina. Naratra mafy ny mpitondra ny Tuc-tuc niharan-doza. Niainga avy any Ampasimbe, nikasa hihazo an’Ambatonigara. Nandeha mafy loatra anefa ny mpamily ka tra-doza tampoka izy ireo. Nivadibadika tamin’ny arabe ilay Tuc-tuc. Poa toy izay, nitrongy posy nitondra mpandeha iray sy zaza herintaona io fitaovam-pitaterana misy motera io. Nipitika avy hatrany ny mpitondra ny posy. Voa mafy tamin’ny dona nahazo azy ilay renim-pianakaviana tao anatiny sy ny zaza teny aminy. Tetsy ankilany, voa mafy ny mpandeha iray sy ny mpamily tao anatin’ilay Tu-tuc. Nentina nihazo ny hopitaly Ampasimbe ny iray izay tena voa mafy, saingy namoy ny ainy vokatry ny dona nahazo azy ny iray. Raha tsiahivina, vao ny fiandohan’ny herinandro teo no nahafatesana mpianaka ny lozam-pifamoivoizana tamin’ny Tuc-tuc tao an-drenivohitr’i Toamasina.
Sajo.
French